lunes, 27 de noviembre de 2017

25N: NON É NON!!

O sábado de 25 de novembro celebrase como todos os anos o día da loita contra a violencia de xénero. Dada a gran relevancia social do tema dende o noso colexio decidimos coñecer algo máis sobre o tema e identificar algunhas das causas e solucións a este gran problema que estamos a sufrir. Para elo os nosos alumnos e alumnas realizaron un pequeno vídeo sobre o tema que leva o título: "Queremos espazos libres de violencia"


Esperemos que vos gustase o vídeo e recordade... Ante calquera tipo de maltrato NON É NON!!

viernes, 17 de noviembre de 2017

Contacontos "Bebé Bigotes"

O pasado venres 17 de novembro varias alumnas dos cursos de 3º, 4º e 5º organizaron unha sesión de contacontos moi divertida onde deleitaron ao público da interpretación do conto "Bebé Bigotes" cunha gran dose de sentido do humor.


Despois dos momentos de ensaio e dos nervios previos presentaron a todos/as os asistentes os distintos personaxes do libro contádolles o que lles sucedera facendo as intrepretacións precisas en cada caso.


E colorin colorado este contacontos está rematado.


Apertas a tod@s!!!!

martes, 7 de noviembre de 2017

Os retos STEAM

Este curso comezamos unha nova actividade na que vos convidamos a participar todo o alumnado é as súas familias.
O ano pasado creamos un Recanto Maker, recanto que convida á creatividade a través das ciencias, e no marco deste recanto xorde a idea dos RETOS STEAM (Science – Ciencia, Technology – Tecnoloxía, Engineering – Inxeñería, Art – Arte e Maths – Matemáticas). Cada mes propoñeremos un reto aos nenos e nenas, ao que poderedes intentar dar solución en familia dun xeito orixinal e creativo. Ao final do mes os nenos e nenas presentaran todas as posibles solucións, para o que faremos unha xuntanza o último xoves de cada mes na hora de ler.
primeiro reto titúlase: CREAMOS UN CIRCUÍTO POLO QUE UNHA PELOTA DE PING-PONG PERCORRA 1 METRO DE DISTANCIA XUSTO?


Podemos empregar todo tipo de materiais, especialmente refugallo, de xeito que non compredes nada para a resolución do reto. Ao final do mes publicaremos o
INVENTARIO DE SUPERINVENTOR@S E OS SEUS PROXECTOS
P.D. Se alguén se anima pode pode compliar co reto con algunha destas variantes (ou cas dúas): que a pelota siga unha traxectoria ascendente nalgún momento ou que apelota discurra por 3 superficies diferentes.

lunes, 30 de octubre de 2017

Samaín no Pepe de Xan Baña

O pasado día 30 de outubro celebramos o Samaín como todos os anos. Para elo organizaronse diferentes actividades e todo o alumnado acudiu o centro disfrazado!



Na entrada do colexio co motivo desta celebración fixose a tradicional exposición de espigas, a de cabazas e unha de pedras de medo.


Para comezar a  terrorífica mañá todos os nenos e nenas viron a película de medo "La novia cadáver" na Sala Castelao.

No recreo continuamos cunha sesión de lectura a escuras na biblioteca, na que só podían utilizar unha lanterna para orientarse polo espazo e para ler.


Coma todos os anos fixemos un concurso de debuxos (para os nen@s de infantil, de 1º e de 2º) e contos de medo (para os nenos/as de 3º, 4º, 5º e 6º). De todos os participantes escolleuse unha obra gañadora por curso e entregouselle un premio. Os gañadores mostraron e leron a súa obra ao resto dos asistentes.


Para rematar a xornada do Samaín fixemos uns bailes e cancións típicas desta data en lingua galega e en lingua inglesa.

É ata aquí deu de sí o noso Samain!
Apertas a tod@s




viernes, 27 de octubre de 2017

As espigas da historia

Como cada ano dentro das actividades realizadas para celebrar o Samaín os/as alumn@s do noso cole decoran as tradicionais espigas. Como este ano o Proxecto está adicado a historia, as espigas foron caracterizadas sobre distintos feitos históricos ou amañadas acorde a determinadas épocas históricas.
Estes foron algún dos resultados:





A exposición de espigas estará na entrada do cole durante todos estes días por se queredes visitala.

Que tod@s pasedes un bo Samaín!!!!

viernes, 13 de octubre de 2017

Contacontos: "Sopa de nada"

O venres 13 de outubro os alumnos e as alumnas de cuarto organizaron a sesión de contacontos para deleitar aos seus compañeiros doutros cursos coa lectura e interpretación do conto "Sopa de nada".


Os actores unha vez preparados e cos ensaios previos necesarios realizaron a función repartindo os papeis, polo que uns lían co conto e outros facían as interpretacións necesarias:





O público estaba moi contento e participou activamente con grandes aplausos polo gran interpretación que fixeron os seus compañeiros/as.


Así que quedamos a espera de que este grandes interpretes volvan de novo a deleitarnos coa súa arte.



Saúdos a tod@s!!!!!!

martes, 19 de septiembre de 2017

Gran Inauguración da Biblio!!

Hoxe para comezar o novo curso  fixemos unha celebración especial para inaugurar a biblioteca nesta nova etapa.


Para elo realizamos dúas actividades onde estivo participando todo o alumnado do cole, dende os máis pequenos de infatil ata os maiores de sexto. Estas foron as actividades:

1) Sesión de Contacontos: As alumnas de sexto realizaron unha sesión de contacontos, facendo os ensaios previos necesarios, para contarlle ao público un conto moi divertido que gustou moito.




2) Obradoiro de Marcapáxinas: Todos os participantes na actividade levaron un pequeno agasallo para as súas casas. Así organizouse un obradoiro onde o alumnado realizou o seu marcapáxinas persoalizado para poder poñer nos libros que se collan na biblio para ler.






Con isto quedou inaugurado o uso da Biblio para este curso a espera de que o Mago Fuco nos envíe novas encomendas a realizar.

Saúdos a todos/as!!!




jueves, 22 de junio de 2017

Feira Solidaria da Primavera. Así foi

Non sei se estaremos no mellor cole do mundo, pero dende logo somos un grandísimo cole. A Feira Solidaria da Primavera xa pasou e todas as nenas e nenos do noso cole traballaron moi duro para facer a vida dos nenos e nenas do Pobo Saharaui un pouquiño mellor. O día da Feira foi máxico.

Conseguimos recadar 911€!!! 


Moitísimas grazas tamén á nosa comunidade escolar, porque sempre estades aí, e porque apoiáchedes con todas as vosas forzas aos nosos nen@s para facer esto posible. Deixamos o vídeo no que podedes ver o ambientazo da Feira.



Agora a disfrutar das vacacións, que as temos tod@s moi, pero que moi merecidas!! 
💚💚💚

miércoles, 24 de mayo de 2017

Charla de SOGAPS. Solidaridade galega co Pobo Saharaui

Este ano queremos axudar co noso proxecto. Para iso estamos a organizar unha feira da primavera, resultado do traballo levado a cabo no curso, no que recaudaremos fondos para axudar a que nenos e nenas que precisan axuda poidan ser un pouquiño máis felices. Neste caso concreto, e pola vinculación que une á profe Vane con esta asociación, decidimos axudar á ong SOGAPS, Solidaridade galega co Pobo Saharaui. Para ser un pouco máis conscientes da situación que están a vivir as nenas e nenos deste pobo, viñeron a falarnos da mesma. Unha charla moi interesante que nos achegou a realidades moi distintas ás nosas. Convidáronnos a ser cooperantes, e dixemos que si sen dubidalo.





martes, 23 de mayo de 2017

"A galiña azul " Carlos Casares. Contacontos das letras na Sala Castelao

Para culminar os actos das letras, nenas e nenos do cole prepararon o conto "A galiña azul de Carlos Casares". Hoxe puidemos disfrutar desta versión dramatizada que tan ben interpretaron.






lunes, 22 de mayo de 2017

Letras Galegas 2017

Como adiantábamos, este ano as Letras Galegas adicáronselle a Carlos Casares. Para homenaxealo a él e ás nosas letras fixemos varias cousas no noso centro.
Por un lado unha exposición das súas obras, que ao longo da semana se foron lendo nas clases.


Gracias a Andrea, a nosa profe de música, disfrutamos dun fermoso dela e Xiana Lastra, que fixeron un percorrido por poemas das nosas letras. Deixámosvos unha canción baseada no conto "A bomba da felicidade" contido en "A galiña azul" de Carlos Casares e musicado pola propia Andrea. Disfrutádeo e moitas grazas por tan fermoso concerto!


Pola tarde disfrutamos de outro agasallo. Como todos os anos acompañaronnos as pandereteiras de Bazar. Menuda festa! Tamén nos leu un poema Noelia, que non podemos deixarvos por problemas co vídeo. Unha mágoa porque o fixo xenial.



viernes, 19 de mayo de 2017

"Azul y Bertie" na Sala Castelao

Desta volta coláronse na sala Castelao dúas xirafas ben intelixentes, que disfrutan das súas diferenzas xuntas. Que ben interpretadas estiveron!





viernes, 12 de mayo de 2017

viernes, 5 de mayo de 2017

Visita á exposición "Da árbore á cadeira" na Cidade da Cultura

Hoxe visitamos na Cidade da Cultura a exposición "Da árbore á cadeira". Esta saída enmárcase dentro do proxecto "Traba, universo vexetal", e gracias á mesma puidemos coñecer algúns usos constructivos das árbores e cales son as máis axeitadas para según que usos.
Ademáis de aprender tamén tivemos algo de tempo para o lecer. Un día completo!


viernes, 28 de abril de 2017

Contacontos na Sala Castelao. Os catro amigos

 Outro novo conto na Sala Castelao. Gracias polo voso esforzo campeonas e campeóns!! Gracias a el podemos disfrutar todos os venres de contos e máis contos!!


 

martes, 25 de abril de 2017

DÍA DO LIBRO. Apadriñamentos lectores

Coma sempre, o 24 de abril DÍA DO LIBRO, inauguramos os apadriñamentos lectores que permanecerán estables ata final de curso. Un día á semana @s peques terán o privilexio de escoitar un conto d@s seus padriños e madriñas. Unha actividade que lles encanta a todos!


lunes, 24 de abril de 2017

DÍA DO LIBRO. Contacontos de Migallas e visita ao concello

Para festexar o día do libro marchamos de contacontos a Santa Comba. Gracias á colaboración entre a biblio de Fuco e a biblioteca municipal puidemos disfrutar duns grandes do mundo contacontos, a compañía de teatro "Migallas" que nos agasallou cun montón de historias xeniais.
Despois fomos de visita ao concello, onde coñecemos as distintas dependencias. Visitamos á alcaldesa no seu despacho e vimos o salón de plenos e o rexistro, onde @s nen@s de 2º puideron entregar as súas reclamacións de mellora dos lugares onde viven.
Rematamos o día no museo "Terra de Xallas". Primeiro comemos nos seus xardíns e despois vimos a interesante exposición que contén.
Foi un día ben completiño e aquí ao lado do cole!


domingo, 16 de abril de 2017

Da horta ao comedor

A horta comeza a dar os seus froitos, e dende o comedor, nesa fructuosa colaboración que nos caracteriza, integran eses produtos nos menús diarios. Que ben alimentad@s estamos con eses produtos ecolóxicos e o bo facer das cociñeiras 😋😋😋

Leituga para as ensaladas...


e acelgas para as potaxes!!



Delicious!!

jueves, 6 de abril de 2017

Seguridade na rede

Hoxe viñeron a darlle unha charla aos maiores do cole sobre seguridade na rede. A rede danos unhas posibilidades fantásticas e podemos e debemos aproveitar, pero é necesario seguir unha pautas para facelo de xeito seguro e responsable. Para iso debemos:
- Protexer a nosa privacidade
- Protexer o noso ordenador
- Ser críticos coa información que consumimos. Non todo o que hai en internet é bo e fiable
- Ser respectuoso e responsable con outros usuarios e no uso da rede
- Dosificar o uso de internet

E, ante calquera dúbida!!!! --- FALAR C@S NOS@S NAIS E PAIS E C@S PROFES.
Estamos aí para axudarvos 😉



Obradoiro de ilustración con Abraham Carreiro

Veu Abraham ao noso cole e ensinounos a debuxar animais moi graciosos partindo de sinxelas forma. Foi abraiante comprobar o que podemos chegar a debuxar!


miércoles, 5 de abril de 2017

Exposición "DA ÁRBORE Á CADEIRA"

Este venres inagúrase na Cidade da Cultura en Santiago de Compostela, a exposición "Da árbore á cadeira" que visitaremos co cole no mes de Maio. Hoxe saíu o teaser da exposición. Mirade que cousa bonita ;)

domingo, 2 de abril de 2017

INAUGURACIÓN DA COCIÑA LABORATORIO!!!

Que gran nova!!! Acabamos de inaugurar no cole unha cociña-laboratorio. Un novo espazo para fedellar, neste caso entre receitas e experimentos. Un novo lugar que dará sentido a un montón de libros que temos na biblio cun montón de contidos agardando a ser postos en práctica. Seguro que nos dará moito xogo!!




Podedes ver este novo espazo con máis detalle nas seguintes fotos. A que está xenial!! 😍😍😍😍😍